काठमाडौं । बीपी राजमार्ग अन्तर्गत काभ्रेको बुच्चाकोटमा यात्रुवाहक बस दुर्घटनामा परेको छ ।
प्रहरीका अनुसार बस विपी राजमार्गअन्तर्गत नमोबुद्ध नगरपालिका–२ बुच्चाकोट क्षेत्रमा दुर्घटनामा परेको हो।
दुर्घटनाग्रस्त बस सुँगुरेतर्फ जाँदै गरेको बताइएको छ।
प्रहरीले घटनास्थलबाट केही शव संकलन गरेको छ भने घाइतेहरूको उद्धार कार्य जारी रहेको जनाएको छ।
दुर्घटनाको कारण खुल्न बाँकी रहेको र हताहतको यकिन विवरण आउन बाँकी रहेको प्रहरीले जनाएको छ।
सुरक्षाकर्मी, स्थानीयवासी तथा उद्धार टोली घटनास्थलमा परिचालित भएका छन्।
दुर्घटनाबारे थप विवरण आउन बाँकी छ।
